Os múltiples procesos democratizadores iniciados en gran parte do mundo hai unhas décadas desembocaron nunha demanda cada vez maior de Misións de Observación Electoral Internacional.
Cal é o obxecto da Observación Electoral Internacional?
Como mecanismo de avaliación imparcial e independente dos procesos electorais, a Observación Electoral Internacional acompañou os numerosos procesos democratizadores iniciados nestes últimos anos, converténdose nunha clara expresión do compromiso da Comunidade Internacional coa promoción dos valores democráticos e dos Dereitos Humanos.
Os potenciais beneficios derivados da presenza dunha Misión de Observación Electoral (MOE), que actúa baixo as premisas da independencia e a imparcialidade, son numerosos: redución dos niveis de fraude, mitigación dos conflitos, fortalecemento da confianza do electorado no proceso electoral, función testemuñal, fortalecemento institucional e mellora dos procesos electorais mediante a elaboración de recomendacións.
Que fai unha Misión de Observación Electoral?
Unha MOE realiza unha análise en profundidade do proceso electoral mediante unha metodoloxía estandarizada. Faino co fin de proporcionar unha avaliación profesional, independente e imparcial da calidade do proceso electoral observado, atendendo ós instrumentos do Dereito Internacional, as boas prácticas e a lexislación nacional no que se refire ó desenvolvemento de eleccións democráticas.
Centralidade das recomendacións
Uno dos valores importantes engadidos dunha MOE reside, especialmente, nas recomendacións que emite a MOE destinadas a mellorar os devanditos procesos mediante as correspondentes reformas técnicas e legais.
O recoñecemento da importancia de impulsar o seguimento e implementación das devanditas recomendacións levou á UE a facer un despregamento a partir de 2013 Misións de Seguimento das Recomendacións, MSR, (Election Follow up Missions, EFM) dirixidas a avaliar o estado de implementación das recomendacións nos países cuxas eleccións foran observadas.
O número das devanditas Misións non deixou de crecer desde entón poñendo de manifesto a importancia nuclear que reviste o seguimento da implementación das recomendacións para a mellora dos procesos electorais.
En atención á devandita centralidade, a UE desenvolveu unha base de datos que recolle as recomendacións emitidas polas MOEs UE desde 2016 ó que se pode acceder na seguinte ligazón: http://database.eueom.eu
Cal é a composición dunha Misión de Observación Electoral?
O Equipo Central(Core Team): Está formado por un xefe de Misión, un xefe de Misión Adxunto e expertos en distintos ámbitos (electoral, legal, político, medios de comunicación, xénero etc). Desprégase por un período medio de entre oito e doce semanas e ten a responsabilidade de elaborar o Informe Preliminar que recolle as conclusións da MOE.
Os membros do Equipo Central das MOE da Unión Europea (UE) son seleccionados pola Unidade correspondente da Comisión Europea, o Foreign Policy Instrument (FPI), en coordinación coa Unidade correspondente do Servizo Europeo de Acción Exterior, sendo necesario o rexistro previo na Base de Datos de Expertos Electorais da Unión Europea
Anuncio dos postos
Os membros do Equipo Central das MOE da Organización para a Seguridade e Cooperación en Europa (OSCE) son seleccionados pola Oficina para as Institucións Democráticas e os Dereitos Humanos (ODIHR, polas súas siglas en inglés), sendo necesario o rexistro previo na Base de Datos de Expertos Electorais da ODIHR
Anuncio dos postos
Os observadores de longa duración (LTO, polas súas siglas en inglés): Teñen a responsabilidade de analizar o desenvolvemento do proceso electoral na súa zona de responsabilidade durante o período pre e post electoral. Despréganse por un período medio de entre seis e oito semanas.
Os observadores de curta duración (STO, polas súas siglas en inglés): Teñen a responsabilidade de observar o proceso de votación, reconto e consolidación de resultados. Despréganse por un período medio de entre sete e quince días.
Que organizacións realizan Observación Electoral?
A UE, a OSCE e a Organización de Estados Americanos (OEA) son as principais organizacións internacionais que realizan Misións de Observación Electoral nas que participan os observadores electorais españois. Tamén unha organización rexional, a Unión Africana, converteuse nestes últimos anos nun actor relevante neste ámbito na súa área xeográfica. Xunto a estas organizacións internacionais tamén existen organizacións non gobernamentais que desenvolven labores de Observación Electoral Internacional. Entre outras, o Carter Centre, o National Democratic Institute (NDI) e o International Republican Institute (IRI).
Cal é a función da Oficina de Dereitos Humanos do Ministerio de Asuntos Exteriores, Unión Europea e Cooperación?
A Oficina de Dereitos Humanos (ODH) é a Unidade encargada de preseleccionar ou seleccionar ós observadores electorais de longa e de curta duración para as Misións de Observación Electoral da UE, a OEA e a OSCE.
Para as MOE da Unión Europea, a ODH presenta á Unidade correspondente da Comisión Europea —o FPI— unha lista de candidatos preseleccionados, sendo o FPI o que realiza a selección final de observadores. Para as MOE da OSCE, é a ODH a que leva a cabo a selección dos observadores. Para as MOE da OEA, a selección realízase pola ODH en coordinación co Departamento para a Cooperación e Observación Electoral (DECO) da OEA.
Documentación relacionada