Turismo-xedeetarako nahiz bestelako zioengatik aldi baterako atzerrira joan behar baduzu, eduki hauek arretaz irakurtzea gomendatzen dizu Kanpo Gaietarako eta Lankidetzarako Ministerioak.
Atal honetatik, herrialdeka kontsultatu ditzakezu bidaiatzeko gomendioak, bai eta horien azken eguneratzeak ere.
Bidaia aurretiaz prestatzea da seguru bidaiatzeko modurik onena. Atzerrira joateko arrazoia zeinahi izanda ere, aldez aurretik informatzea ezinbestekoa da bertan arazorik eta larrialdirik ez izateko.
Errespetua da bidaian zehar arazorik ez izateko gakoa: errespetatu herrialdea eta tokiko biztanleria, baita hango legedia eta usadioak ere.Herrialde askotan, zigor gogorrak ezartzen dira substantzia estupefazienteak trafikatzeagatik, kontsumitzeagatik eta edukitzeagatik.
Kanpo Gaietarako eta Lankidetzarako Ministerioaren Bidaiarien erregistroak aukera ematen dizu zure datu pertsonal guztiak eta bidaiari buruzkoak jasota uzteko, arrisku handiko larrialdirik izanez gero aurkitzeko moduan egon zaitezen, beharrezko konfidentzialtasun-bermeekin bat, betiere.
Hala eta guztiz ere larrialdiren bat baduzu atzerrian, enbaxadek, kontsuletxeek zein Atzerrian dauden Espainiarren eta Kontsul eta Migrazio Gaietako Zuzendaritza Nagusiak lagundu ahal izango dizute, behar izanez gero.
Estatuaren Administrazioaren zati diren aldetik, Espainiako enbaxadek eta kontsuletxeek eskumen jakin batzuk dituzte. Jarraian, kontsuletxe batek zure alde zer egin dezakeen eta zer ezin duen egin laburbiltzen da.